آخر تحديث: 18 نوفمبر 2026
نبطشي أداة تنظيم للأطباء: مواعيد، سجل عمليات، ومستحقات. الخدمة بتقدمها EG Marketing & Business Solutions، والدخول بيكون بحساب جوجل بتاعك.
نبطشي خدمة بتتطور باستمرار، وممكن تتغير مميزاته أو شكله. بنعمل اللي علينا عشان الخدمة تشتغل كويس، لكن مش بنضمن إنها هتكون متاحة طول الوقت من غير أي عطل.
نبطشي أداة مساعدة. الدكتور هو المسؤول عن مراجعة مواعيده وحساباته، وإحنا مش مسؤولين عن أي خسارة ناتجة عن خطأ في إدخال البيانات أو عن انقطاع خدمات جوجل.
الخطط المتاحة: شهر بـ 600 جنيه، أو 3 شهور بـ 1500 جنيه. الدفع مقدّم بفودافون كاش (وقريب إنستاباي)، والاشتراك بيتفعّل بعد ما نتأكد من التحويل. لو جدّدت قبل ما اشتراكك يخلص، المدة الجديدة بتتضاف فوق اللي فاضل. لو الاشتراك مجددش، الحساب بيتقفل والبيانات بتفضل محفوظة، وتقدر تنزّلها أو تمسحها في أي وقت. ومن حقنا نوقف أي حساب يستخدم الخدمة بشكل مسيء.
المبالغ المدفوعة مش بترجع، سواء استخدمت المدة كلها أو جزء منها، أو قررت توقف قبل ما المدة تخلص. اشتراكك بيفضل شغال لحد آخر يوم في المدة اللي دفعتها. الاستثناء الوحيد: لو اتخصم منك مبلغ بالغلط أو اتحسب مرتين، بنرجعه.
hello@nabatshi.com · واتساب: 01007038009